一站式簡樸房登記及認證

由認可人士(AP)團隊進行實地勘察﹑製作圖則進行執修以達到簡樸 房的最低要求(如有需要)﹑完成簡樸房認證報告

處理僭建物清拆令

由認可人士（AP）團隊全面跟進，以LeastWork精神，用「最少工程」處理屋宇署命令，包括盡量推遲﹑減少清拆範圍﹑以檢核形式代替等等，詳情請向我們查詢。

寫字樓／商舖裝修顧問及施工

由建築及室內設計專業團隊負責空間規劃、圖則設計，並就間隔、物料及施工流程提供專業建議，確保裝修效果貼合品牌形象之餘，同時符合樓宇及消防法例要求。

認可人士(AP)| 註冊檢驗人員(RI) |註冊專業工程師(RPE)| 註冊專業測量師 (RPS) | 簡樸房指明專業人士| 小型工程承建商 (RMWC) |註冊一級水喉匠 | 持牌電工 |室 內設計及施工團隊

為何選擇 Abri？

LeastWork

好多人以為處理僭建、簡樸房認證、屋宇署命令，就一定係大工程大洗費。搵個承建商 上嚟，佢話你要拆，你就拆；佢話要重做，你就重做。最後埋單先發現，原來有一半工程 根本唔需要做。

我成立 LeastWork 嘅原因好簡單：我唔係工程公司，我係顧問。我嘅角色唔係賣工程 畀你，而係幫你搞清楚，到底邊啲工程係法例真正要求你做嘅，邊啲係可以避免嘅，邊 啲係人哋加插畀你做嘅。我嘅收入唔會因為你做多啲工程而增加，所以我冇任何誘因 叫你拆多過需要嘅範圍。呢個就係 LeastWork 嘅核心—用最少、最精準嘅工程量，達 到法例要求。

你可能會問，咁如果你係顧問唔做工程，咁工程邊個做？ 我有長期合作嘅註冊一般建 築承建商（RGBC）同專門分判團隊，佢哋負責施工，我負責設計、監督同埋同屋宇署交 涉。你需要一站式服務，我一樣可以幫你安排到尾。但關鍵係，決定做幾多工程、用咩 方法做、幾時做，係由我作為你嘅獨立顧問去判斷，唔係由承建商去判斷。呢個分工好 重要，因為判斷同施工如果由同一間公司做，利益衝突幾乎無可避免。

理念：幫業主做決定，唔係替業主做決定

我見過太多個案，業主由頭到尾都唔知自己做緊啲咩。承建商話拆就拆，AP 話簽就簽 ，錢就一直畀，到最後連自己間屋做咗咩改動、點解要做、將來有咩影響都唔清楚。

LeastWork 嘅理念唔係替你做決定，而係幫你做決定。呢個做法喺香港嘅小型工程/裝 修行業入面其實唔常見。大部份公司嘅商業模式都係「打包價、一條龍」，你交咗錢就 唔使理。表面上方便，但實際上你完全唔知道自己嘅錢花咗喺邊，邊啲工程係必須嘅、 邊啲其實可以唔做。

我本人係認可人士（AP）同註冊專業測量師（建築測量），做咗超過九年建築項目管理， 由商業裝修到僭建處理同簡樸房認證都有實戰經驗，亦可以直接簽發核證報告同圖 則。 結構同消防方面，我有長期合作嘅註冊專業工程師（RPE），涵蓋結構、土木、消防同屋

宇裝備界別。施工層面，我嘅合作承建商係屋宇署註冊一般建築承建商（RGBC），持有 ISO 9001、14001 同 45001 認證，有能力處理由小型工程到全面改建嘅各種規模。佢 哋嘅 Director 本身就係 RPE（結構），所以無論係建築﹑結構﹑機電﹑室內設計方面我地都 有專業人才去處理。我希望每一個幫襯我嘅客人，都唔使擔心有人會叫你做多咗工程嚟賺你錢，因為幫你 慳工程量本身就係我嘅工作。

客戶回饋